Mańǵystaý oblysynda bank qyzmetkeri klıentterdiń shotynan 90 mln teńge jymqyryp, onyń bir bóligin býkmekerlik keńse arqyly qolma-qol aqshaǵa aınaldyryp, shyǵaryp alǵan, dep habarlaıdy Egemen.kz QazAqparatqa silteme jasap.
Bul týraly QR Qarjylyq monıtorıng agenttiginiń baspasóz qyzmeti málimet taratty. «Býkmekerlik keńselerdiń Qazaqstandaǵy qyzmeti «Oıyn bıznesi týraly» Zańmen retteledi.
«2020 jyly Mańǵystaýda bank qyzmetkeri klıentterdiń shotynan 90 mln teńgeden astam qarajat urlap, onyń bir bóligin býkmekerlik keńse arqyly qolma-qol aqshaǵa aınaldyrǵan. Sot ony 5 jylǵa bas bostandyǵynan aıyrdy», dep jazylǵan resmı habarlamada.
«Býkmekerlik keńselerdiń jekelegen qyzmetkerleri ońaı paıda tabý úshin zańnyń talaptaryn elemeıdi jáne klıentterdi zańsyz onlaın-kazıno men totalızatorlarǵa tartady. Mysaly, Almatyda zańsyz oıyn bıznesin uıymdastyrǵan PariMatch, VK Triumph, «Favorıt» jáne PROFITBetting býkmekerlik keńseleriniń laýazymdy tulǵalary sottaldy. Sot olardy ártúrli jazalaý sharalaryna úkim shyǵardy», dep jazady agenttiktiń baspasóz qyzmeti.