Sheteldegi qazaq jastary Joldaýǵa qatysty oı-pikirlerimen bólisti. Bul týraly «24 kz» habarlady.
Memleket basshysynyń Qazaqstan halqyna arnaǵan Joldaýy tikeleı efırden tańǵy mezgilde berilgenine qaramastan, Londonda bilim alyp jatqan jastar kóptep jınaldy. Sharany Londondaǵy Qazaqstan elshiliginiń qoldaýymen stýdenttik qozǵalystyń belsendi ókilderi uıymdastyrǵan.
Ártúrli taqyrypta ótken qyzý pikirtalastan jastardyń el bolashaǵyna beı-jaı qaramaǵany ańǵaryldy. London ýnıversıtet kolledjinde qarjyger mamandyǵy boıynsha bilim alyp jatqan Ravıl Arystanbekov qoǵamnyń sheshýshi qundylyqtaryn bekitetin «Máńgilik eldi» tarıhı qujat dep baǵalady. «Biz – myń ólip, myń tirilgen qazaqpyz. Bul – bizdiń ǵasyrlar boıy armandaǵan asyl muratymyz. Endi osy ulttyq ıdeıany basshylyqqa alyp, jarqyn bolashaqqa umtylatyn bolamyz», - dedi ol osy oraıda.
London ekonomıka mektebiniń magıstranty Aldan Serikbaı Joldaýdaǵy áleýmettik salaǵa qatysty aıtylǵan bastamalardyń úlken jaýapkershilik júkteıtinin atap ótti. Onyń pikirinshe, bilim berý, densaýlyq saqtaý, áleýmettik qorǵaý, kommýnaldyq qyzmet kórsetý, kólik jáne baılanys sapasynyń jaqsarýy – ómir súrý deńgeıiniń basty kórsetkishteri. Al Brunel ýnıversıtetiniń stýdenti Nurlan О́teshev Qazaqstannyń búgingi jetistigin Joldaýdaǵy uzaq merzimdi josparlarmen baılanystyrdy. Sonyń biregeıi «Qazaqstan-2030» Strategııasy el damýyna tyń serpilis bergenin aıryqsha atap ótti.
Jalpy, derekke júginsek, Londonda 4,5 myńnan astam elimiz jastary bilim alýda. Onyń negizin qalaǵan «Bolashaq» baǵdarlamasy ekeni anyq. Bul bastama da Memleket basshysy Nursultan Nazarbaevtyń qamqorlyǵymen iske asyrylǵan bolatyn. Sondyqtan jastar oqýyn támamdaǵannan keıin el ıgiligine úles qosýdy maqsat tutyp otyr.
Daıyndaǵan: Ámirhan Almaǵanbetov.
Derekkóz: «24 kz»
Foto: «24 kz».