Erteń, ıaǵnı, 21 qańtar kúni Astanada saǵat 12.00-de Azamat Teńizbaevtyń Qazaqstanǵa oralýyna baılanysty baspasóz máslıhaty ótkiziledi. Bul týraly egemen.kz tilshisi habarlady.
2013 jyldyń shilde aıynda Azamat Teńizbaevty taekvondodan Meksıkada ótken álem chempıonatynan qaıtar jolda London quqyq qorǵaý organdary qamaýǵa alǵan bolatyn. Oǵan qazaqstandyq taekvondoshynyń atyna Ulybrıtanııa azamatshasynyń jazǵan aryzy sebep bolǵan edi. Jaqynda 8 qańtar kúni Azamat Teńizbaev alqa bıler sotymen aqtalyp shyqty.
Erteń osy oqıǵaǵa baılanysty Qazaqstan taekvondo federasııasy baspasóz máslıhaty ótkizip, jýrnalısterdiń barlyq suraqtaryna jaýap berýdi josparlap otyr.
Kezdesýge Sport jáne dene shynyqtyrý isteri agenttigi tóraǵasynyń orynbasary Elsııar Qanaǵatov, Qazaqstan Taekvondo (WTF) federasııasynyń prezıdenti Vıacheslav Kım, Azamat Teńizbaevtyń ózi men anasy Jazıra Tileshova qatysady.
Baspasóz máslıhaty myna jerde ótedi. Saryarqa dańǵyly 8A, «Park inn» qonaq úıi, 2-qabat, №1 konferens-zal.
Dastan Kenjalın.
Derekkóz: Qazaqstan Taekvondo federasııasynyń baspasóz hatshysy
Nazerke Sultanbek.