AQSh koronavırýs pandemııasyna baılanysty kóliktegi maska rejımin 2022 jyldyń 18 qańtaryna deıin uzartý týraly sheshim qabyldady, dep habarlaıdy Egemen.kz Reuters-ke silteme jasap.
Kóliktik qaýipsizdik ákimshiligi (TSA) ókiliniń aıtýynsha, atalǵan shara maqsaty – COVID-19 taralýyn barynsha azaıtý. Saıahatta vırýs juqtyrý qaýpi joǵary. Bul, ásirese COVID-19-ǵa qarsy vaksına almaǵan adamdarǵa qatysty.
Buǵan deıin kólikte betperde kııý mindeti 13 qyrkúıekke deıin bolatyn.
Endi maska rejımi jolaýshylar men qoǵamdyq kóliktiń barlyq túrine qoldanylady: ushaq, keme, poıyz, metro, avtobýs, taksı men turaqty marshrýtty taksıler. Sondaı-aq maskany áýejaıda, avtobýs nemese parom termınalynda, temirjol jáne metro stansııasy men teńiz porty sııaqty kólik toraptarynda kııý kerek.