Syrtqy ister mınıstriniń orynbasary Aqan Rahmetýllın SIM Aýǵanstandaǵy jaǵdaı boıynsha qandaı ustanymdy ustanatynyn aıtty, dep habarlaıdy Egemen.kz Tengrinews.kz-ke silteme jasap.
«Biz «Talıbandy» moıyndaǵan joqpyz. Keshe Qazaqstan SIM Aýǵanstandaǵy jaǵdaı boıynsha resmı málimdeme jasady. Biz Aýǵanstandaǵy jaǵdaıdy muqııat baqylaýdy jalǵastyramyz, BUU Qaýipsizdik Keńesiniń ınklıýzıvti jáne ókildik úkimet qurý, ulttyq azshylyqtar men áıelderdiń quqyqtaryn qurmetteý, basqa memleketterge qaýip tóndiretin toptardyń bolýyna jol bermeý, halyqaralyq quqyqty saqtaý qajettiligi týraly málimdemesin qoldaımyz. Osy erejelerdi oryndaý Aýǵanstannyń Jańa Úkimetimen dıalogty bastaý úshin shart bolýy tıis», dedi mınıstrdiń orynbasary OKQ onlaın-brıfınginde.
Onyń aıtýynsha, Aýǵanstan azamattary memlekettik-qoǵamdyq qurylymnyń eń ońtaıly modelin ózderi anyqtaýy kerek.
«Qazir kez kelgen el «Talıbanmen» dıplomatııalyq qatynastardy moıyndady nemese ornatty dep aıtýǵa bolmaıdy. «Talıbannyń» is-áreketteri olardyń málimdemesine qanshalyqty sáıkes keletinin jáne olardyń qanshalyqty kelisiletinin bári baqylaýda», dep túıindedi Rahmetýllın.