Aqtóbe óńirinde bıyl qar aldyńǵy jyldarǵa qaraǵanda anaǵurlym kóp tústi. Qala kóshelerin qardan tazartý maqsatynda 22 jumys toby men 200-den astam arnaıy tehnıka jumyldyrylǵan. Derek kózderinen belgili bolǵandaı, qys bastalǵaly beri polıgonǵa 45 myń tonna qar shyǵarylypty.
Aqtóbe óńirinde bıyl qar aldyńǵy jyldarǵa qaraǵanda anaǵurlym kóp tústi. Qala kóshelerin qardan tazartý maqsatynda 22 jumys toby men 200-den astam arnaıy tehnıka jumyldyrylǵan. Derek kózderinen belgili bolǵandaı, qys bastalǵaly beri polıgonǵa 45 myń tonna qar shyǵarylypty.
– Byltyr osy kezeńmen salystyrǵanda 10 myń tonna qar shyǵarǵan edik. Bıyl qar kóp tústi. Qazir kúndiz-túni qarqyndy túrde qardan tazartý jumystary júrgizilýde. Jumystyń bastapqy kezeńinde selolyq okrýgterdiń aýmaǵyndaǵy qardy arshý qıyndyq tıgizdi. Sebebi, borannyń saldarynan, tazartylǵan joldardy álsin-álsin qar basyp qalýda. Qazir jumys qalypqa keldi. Qoǵamdyq kólikterdiń de, mektep avtobýstarynyń da júrýine qolaıly jaǵdaı jasaldy, – deıdi Aqtóbe qalalyq turǵyn úı-kommýnaldyq sharýashylyq, jolaýshy kóligi jáne avtomobıl joldary bólimi basshysynyń orynbasary Qýandyq Qasymov.
Qys mezgilinde qaladaǵy kólik joldaryn kútip-ustaý úshin bıýdjetten 480 mıllıon teńgege jýyq qarjy bólingen. Jalpy, joldardy kútip-ustaý 9 aýmaq boıynsha júrgizilýde. Osy kezge deıin kólemi 3 mln. sharshy metr aýmaq qardan tazartylǵan. Iаǵnı 150 kóshede kólik qozǵalysyna jáne jaıaý adamdardyń júrip-turýyna qolaıly jaǵdaı týǵyzyldy degen sóz. Qardan arshý jumystarymen 7 merdiger mekeme aınalysýda. Al 10 merdiger mekeme jaıaý júrginshiler joldaryn tazartady.
Satybaldy SÁÝIRBAI,
«Egemen Qazaqstan».
Aqtóbe oblysy.