Túrkistan oblysynyń polıseıleri úıiniń aýlasyna esirtki ekken turǵyndy ustady, dep habarlaıdy Egemen.kz Sozaq aýdany Polısııa basqarmasynyń resmı saıtyna silteme jasap.
Sozaq APB-ǵa KPB-nyń jedel ýákili Qanat Nájimetdınnen baıanat túsken. Tártip saqshylary atalǵan jaıtty SDTBT-ǵa QR QK-niń 300-baby (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) boıynsha tirkelip, sotqa deıingi tergep-tekserýdiń biryńǵaı tizilimine engizdi. Habar alysymen polıseıler birden jedel-izdestirý sharasyna kiristi. Osylaısha, aqparat kózderi arqyly kúdikti turǵynnyń jeke-basy men mekenjaıy anyqtaldy.
Polısııa qyzmetkerleri kúdiktiniń úıiniń aýlasyn tekserý barysynda egilip, baptalǵan alty túp esirtki zaty anyqtaldy. Aıǵaqty zat retinde alynǵan ósimdikke sot-saraptamalyq zertteý taǵaıyndaldy. Saraptama nátıjesimen alynǵan túp «sora» esirtki ekeni belgili boldy. Qazirgi tańda sotqa deıingi tergeý amaldary júrgizilýde.