Aqmola oblysynda qart áıeldi tonap ketken qaskúnem ustaldy, dep habarlaıdy Egemen.kz Polisia.kz-ke silteme jasap.
Aqkól APB kezekshi bólimine 61 jastaǵy jergilikti turǵynynan urlyq faktisi boıynsha aryz tústi.
Jábirlenýshiniń aıǵaqtary boıynsha, 20 tamyz kúni tańerteń «Shýchınsk-Nur-Sultan» avtojolynda Mercedes Benz 260E taksı júrgizýshisi qart áıeldi pyshaqpen qorqytyp, onyń 10 myń teńgesin urlap ketken. Jedel-izdestirý is-sharalary barysynda aqmolalyq polıseıler kúdiktini anyqtap, ustady. Tergeý jumystary barysynda kúdikti buryn zorlaý, tonaý, kólik urlaý jáne urlyq úshin sottalǵan Stepnogor qalasynyń 44 jastaǵy turǵyny ekeni anyqtaldy.
Qazirgi ýaqytta atalǵan fakti boıynsha QR QK 191-babynyń 2-bóligi «Tonaý» boıynsha sotqa deıingi tergeý amaldary júrgizilýde. Kúdikti ýaqytsha ustaý ızolıatoryna qamaldy.