Qazaqstanda 40 gradýsqa deıin aptap jáne naızaǵaı bolady dep kútiledi. «Qazgıdromet» RMK sınoptıkteri 26-28 tamyzǵa arnalǵan aýa raıy boljamyn usyndy, dep habarlaıdy Egemen.kz.
Meteorologtar málimetinshe, respýblıkanyń basym bóliginen atmosferalyq fronttardyń ótýine baılanysty turaqsyz aýa raıy bolady dep boljanǵan: naızaǵaı, burshaq, jel jáne jańbyr.
«Respýblıkanyń barlyq aımaqtarynda temperatýralyq fon salystyrmaly túrde turaqty: batysta túnde 17...22, kúndiz 30...38 gradýs jyly, soltústikte túnde 7...18, kúndiz 20 ...32 gradýs, respýblıkanyń ortalyǵynda jáne shyǵysynda túnde 7 ... 18, kúndiz 22 ... 35 gradýs, ońtústikte túnde 15 ... 23, kúndiz 32...40 gradýs aptap, ońtústik-shyǵysta túnde 13 ... 22, kúndiz 27 ... 37 gradýs ystyq», delingen habarlamada.