Ulybrıtanııanyń Ulttyq densaýlyq saqtaý qyzmetiniń (NHS) bólimsheleri 12 jastan 15 jasqa deıingi balalarǵa koronavırýsqa qarsy vaksınasııalaý baǵdarlamasyn daıyndaýǵa ruqsat aldy, dep jazady Egemen.kz.
NHS aımaqtyq keńseleriniń habarlaýynsha, oqýshylarǵa vaksına salý oqý jylynyń alǵashqy aptalaryna josparlanǵan. Bul úshin ata-analardyń ruqsaty qajet bolmaıdy.
«12-15 jas aralyǵyndaǵy deni saý balalarǵa vaksına salý baǵdarlamasy 6 qyrkúıekte bastalýy múmkin. Ulttyq qurama bizden baǵdarlama týraly qosymsha egjeı-tegjeıli jospardy tapsyrýdy suraýda», dep jazylǵan NHS ókildiginiń habarlamasynda.
The Telegraph gazetiniń jazýynsha, vedomstvo josparlardy juma kúni keshke deıin tapsyrýdy suraǵan. Ásirese 1 qarashaǵa deıin osy jas tobyndaǵy balalardyń 75%-yna vaksına salýdy qalaı josparlap otyrǵanyn sıpattaýy kerek.
Ulybrıtanııa Densaýlyq saqtaý mınıstrligi 12 -15 jas aralyǵyndaǵy balalarǵa vaksına salý týraly sheshim áli qabyldanbaǵanyn habarlady.
Pfizer vaksınasy 12 jastan asqan balalarǵa qoldanýǵa ruqsat etilgen.