Jambyl oblysyndaǵy áskerı bólimde 10-nan astam jarylys bolǵan. Bul týraly QR Qorǵanys mınıstri Nurlan Ermekbaev málim etti, dep habarlaıdy Egemen.kz.
«26 tamyz kúni saǵat 18:45-te Ońtústik óńirlik qolbasshylyǵynyń ınjenerlik oq-dáriger bazasynda qoımalardyń birinen órt shyqty. О́rtti sóndirýge áskerı bólimniń 3 top órt sóndirý komandasy shuǵyl kirisken. Áskerı bólim boıynsha kezekshi bul jaıynda Ońtústik óńirlik qolbasshylyq qolbasshysy jedel kezekshilik basqarmasyna habarlaǵan», dedi mınıstr Jambyl óńirlik kommýnıkasııalar qyzmetindegi baspasóz máslıhaty barysynda.
Onyń atap ótýinshe, bastapqy kezeńde órtti sóndirýge 500 adam jumyldyrylǵan. Keıin olardyń sany 1 myń adamǵa, órt sóndirý mashınalarynyń sany 24-ke jetkizilgen.
«Qabyldanǵan is-sharalarǵa qaramastan órt shyqqannan keıin 1 saǵattan soń alǵashqy jarylys oryn aldy. Jalpy qýaty shaǵyn 10-nan astam jarylys bolǵan. Atalǵan bazada ınjenerlik oq-dáriger saqtalady. Olardyń bir bóligi osydan eki jyl buryn Arys qalasynan jetkizilgen edi», - dedi Nurlan Ermekbaev.