Qazaqstan Respýblıkasy Parlament Senatynyń Tóraǵasy Máýlen Áshimbaev Jambyl oblysyndaǵy tótenshe jaǵdaıǵa baılanysty alańdaýshylyq bildirdi, dep habarlaıdy Egemen.kz.
«Qazir apat aýmaǵyndaǵy ahýal Memleket basshysynyń baqylaýynda. Prezıdentimizdiń tapsyrmasymen tıisti organdardyń basshylary oqıǵa ornyna shuǵyl baryp, oblys basshylyǵymen birlesip áreket etýde. Sondaı-aq Baızaq aýdanynda jedel shtab qurylyp, qutqarýshylar, áskerı qyzmetshiler, dárigerler jáne basqa da belsendi azamattar jumys istep jatyr. О́kinishke qaraı, qaza tapqandardyń bar ekeni belgili boldy. Opat bolǵandardyń otbasylary men jaqyndaryna qaıǵylaryna ortaqtasyp, kóńil aıtamyz jáne apattan zardap shekkenderdiń tezirek saýyǵyp ketýin tileımiz», dedi M.Áshimbaev.