Proaktıvti formatta jumysynan aıyrylý boıynsha áleýmettik tólemderdi taǵaıyndaýǵa baılanysty qyzmet alýshylar sany 11%-ǵa ósti, dep habarlaıdy Egemen.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Shilde aıynda «Jumysynan aıyrylǵan jaǵdaıda tólenetin áleýmettik tólemdi taǵaıyndaý» proaktıvti memlekettik qyzmeti iske qosyldy.
«Sońǵy aı ishinde proaktıvti formatta qyzmet alýǵa kelisken adamdardyń sany 18%-dan 29%-ǵa deıin ósti», dep jazady mınıstrlik baspasóz qyzmeti.
Qazirgi ýaqytta proaktıvti túrde kórsetiletin memlekettik qyzmetterdi kórsetý prosesine reınjınırıng júrgizilýde.
«Maýsym aıynda «Bala týýyna baılanysty jáne bir jasqa deıingi bala kútimi boıynsha járdemaqylar taǵaıyndaý» memlekettik qyzmeti jeńildetilgen formatta iske qosyldy, bul belsendi túrde taǵaıyndalǵan tólemder sanyn 10%-dan 37%-ǵa deıin arttyrdy. Jyl sońyna deıin bul kórsetkish 50%-ǵa jetedi dep kútilýde», dep habarlady vedomstvo.
Sondaı-aq, jyl sońyna deıin kelesi qyzmetterdi ońtaılandyrý josparlanýda:
Asyraýshysynan aıyrylǵan jaǵdaıda áleýmettik tólem taǵaıyndaý; Asyraýshysynan aıyrylǵan jaǵdaıda memlekettik áleýmettik járdemaqy taǵaıyndaý; Eńbek qabilettiliginen aıyrylǵan jaǵdaıda áleýmettik tólem taǵaıyndaý; Múgedektigi boıynsha memlekettik áleýmettik járdemaqy taǵaıyndaý; «Altyn alqa», «Kúmis alqa» alqalarymen marapattalǵan nemese buryn «Batyr Ana» ataǵyn alǵan, «Ana dańqy» ordenderimen marapattalǵan kóp balaly analarǵa memlekettik járdemaqy taǵaıyndaý.