Astanalyq Farhad Madenov AQSh-tyń Las-Vegas qalasynda ótken HIH halyqaralyq «Móldir magnolııa» baıqaýynda bas júldeni jeńip aldy. Bul týraly Nur.kz habarlady.
Dúbirli saıysqa qatysýǵa álemniń túkpir-túkpirinen on myńǵa jýyq oryndaýshy nıet bildiripti. Olar vokal, horeografııa, akterlik sheberlik jáne sırk óneri boıynsha synǵa túsken.
Baıqaýdyń alǵashqy kezeńinde otandasymyz Elbasy Nursultan Nazarbaevtyń óleńine jazylǵan Altynbek Qorazbaevtyń «Úshqońyr» áni men ıtalıandyq «La spagnola» ánin oryndap, kópshiliktiń kóńilinen shyǵa bildi. Sondaı-aq ol saıystyń ekinshi kezeńinde de qazylar alqasynyń ótinishimen «Úshqońyr» ánin taǵy bir oryndap, vokal nomınasııasy boıynsha bas júldeni jeńip aldy. Taǵy bir qýantarlyǵy, jerlesimiz Los-Andjelestegi bedeldi oqý oryndarynyń birinde tegin oqý quqyna ıe boldy.
Ábdirahman Qydyrbek.
Derekkóz: Nur.kz
Foto: Nur.kz