3 qyrkúıekte Memleket basshysy Qasym-Jomart Toqaev Reseı Prezıdenti Vladımır Pýtınniń shaqyrýymen beınekonferensııa formatynda ótetin Shyǵys ekonomıkalyq forýmyna qatysady. Bul jaıynda Prezıdenttiń Baspasóz hatshysy Berik Ýálı feısbýkte jazdy, dep habarlaıdy Egemen.kz.
«Jyl saıyn Vladıvostokta ótetin forýmnyń bıylǵy taqyryby «Qubylmaly álemdegi Qıyr Shyǵystyń jańa múmkindikteri». Shara barysynda Azııa-Tynyq muhıty aımaǵy saýda-ekonomıkalyq yntymaqtastyǵynyń jańa mehanızmderi talqylanbaq», dep jazylǵan habarlamada.