Álemdik reıtıngte 33-orynda turǵan qazaqstandyq tennısshi Iýlııa Pýtınseva men reıtıngte 110-satyǵa jaıǵasqan Zarına Dıas 25 qyrkúıek pen 2 qazan aralyǵynda Nur-Sultanda ótetin Astana Open WTA 250 týrnırine qatysady, dep habarlaıdy Egemen.kz.
Qazaqstan tennıs federasııasy taratqan málimet boıynsha, otandastarymyzdan bólek, jarysqa shaqyrtylǵan tennısshilerdiń qatarynda álemniń 52-raketkasy reseılik Lıýdmıla Samsonova, álemniń burynǵy birinshi raketkasy jáne «Úlken dýlyǵa» dodasynyń bes týrnırinde top jarǵan fransýz Krıstına Mladenovıch, álemniń burynǵy ekinshi raketkasy jekeleı synda eki «Úlken dýlyǵa» týrnıriniń fınalısi – reseılik Vera Zvonareva bar.
Halyqaralyq týrnırde sondaı-aq shvesııalyq Rebekka Peterson (54), cheh qyzy Tereza Martınsova (60), Belgııa tennısshisi Alıson Van Eıtvank (61), rýmynııalyq oıynshy Irına-Kamelııa Begý (63), slovenııalyq Polona Hersog (86), horvattııalyq Anna Konıýh (88) jáne basqalar qatysady.
Taǵy tórt sportshy irikteý arqyly týrnırdiń negizgi kezeńine ótedi, al qalǵan tórteýi uıymdastyrýshylardan wild card alady.