4 jáne 5 qyrkúıekte elordadaǵy Han Shatyr saýda oıyn-saýyq ortalyǵynyń janynda Shyǵys Qazaqstan oblysy aýyl sharýashylyǵy taýaryn óndirýshilerdiń qatysýymen kezekti óńirlik aýyl sharýashylyǵy jármeńkesi ótedi, dep habarlaıdy Egemen.kz Nur-Sultan qalasy ákimdiginiń resmı saıty.
ShQO sharýa qojalyqtary elorda turǵyndaryna joǵary sapaly aýyl sharýashylyǵy óndirisiniń ekologııalyq taza ónimderin usynady. Jármeńkege óńirdiń 15 aýdanynan jáne eki qalasynan óndirýshiler qatysady.
Jalpy somasy 356,2 mln. teńgege kólemi 225,2 tonna ónimniń 28 ataýyn satý josparlanyp otyr.
Shyǵys Qazaqstan oblysynan elordaǵa 40 tonna bal, 2 tonna shujyq ónimderi, 8 tonna sút ónimderi, 13 tonna ósimdik maıy, 3 tonna jarma, 5 tonna balyq, 45 tonna jylqy eti, 10 tonna qymyz, ulttyq buıymdar men pantoónimder, 150 tonna kókónis ónimderi men kartop jáne t. b. jetkiziledi.
Esterińizge sala keteıik, jármeńke 4 jáne 5 qyrkúıekte saǵat 9:00-den 18:00-ge deıin jumys isteıdi. Baǵalar dástúrli túrde naryqtyq baǵadan 10-20% tómen bolady.
Barlyq ónimder sanıtarlyq-veterınarlyq talaptarǵa sáıkes keledi, satýshylarda taýarlardyń shyǵý tegin, sapasy men qaýipsizdigin rastaıtyn qujattar bolady.
Jármeńke sanıtarlyq normalardy qatań saqtaı otyryp ótkiziledi. Kelýshiler maska rejımin, áleýmettik qashyqtyqty jáne qol gıgıenasyn saqtaýy kerek.