Qarjylyq monıtorıng agenttiginiń Qyzylorda oblysy boıynsha aýmaqtyq departamenti eki jyl boıy jalǵan shot-faktýralar jazyp berýmen aınalysqan qylmystyq toptyń jolyn kesti, dep jazady Egemen.kz.
Qarjylyq barlaý barysynda «NaýryzStroıProekt» JShS basshysy men 5 jaýapty tulǵasy júıeli negizde birqatar kásiporyndarǵa sharttyń jalpy somasynyń 6% mólsherinde syıaqy úshin jalǵan býhgalterlik qujattar jazyp bergeni anyqtady.
Budan ári tergeý «NaýryzStroıProekt» JShS-niń qyzmetkerler shtaty, múlki jáne óndiristik-tehnıkalyq bazasy joq ekenin, al qujattarda kórsetilgen jumystar (qyzmetter) is júzinde oryndalmaǵanyn anyqtady. Nátıjesinde memleketke 687 mıllıon teńge kóleminde zalal keltirildi.
Qylmystyq toptyń úsh múshesi 2 jylǵa bas bostandyǵynan aıyryldy, qalǵan úsheýi 2 jylǵa shartty túrde sottaldy.
Memleket kirisine 105 mıllıon teńge kóleminde keltirilgen zııannyń bóligi óndirilip alyndy.