Vırýsolog mamandardy daıarlaıdy

Eske sala keteıik, dál osy BǴM BQPǴZI-nyń qyzmetkerleri otandyq COVID-19 vaksınasyn ázirlegen bolatyn.

Ulttyq joǵary oqý ornynyń rektory J.Túımebaev pen Bıolo­gııalyq qaýipsizdik problemalary ǴZI bas dırektory K.Zakarıa tıisti kelisimge qol qoıdy. Qazir QazUÝ ǵylymı-zertteý ınstıtýtymen birlesip, vırýsologııa salasynda jańa bilim berý baǵdar­lamasyn ázirledi.

«Alǵash ret ál-Farabı atyn­daǵy Qazaq ulttyq ýnıversı­teti Bıologııalyq qaýipsizdik problemalarynyń ǵylymı-zert­teý ınstıtýtymen birlesip, vırýsolog mamandardy daıarlaıtyn bolady. Atalǵan baǵytta bu­ryn-sońdy bakalavrıattyń uq­sas bilim berý baǵdarlamalary bo­ıynsha oqyǵan joǵary oqý oryndarynyń túlekteri oqı alady. Olar QazUÝ bıologııa jáne bıotehnologııa fakýltetiniń bazasynda ári BQPǴZI BSL-2 jáne BSL-3 zerthanalarynda bilim alatyn bolady. Vırýsologterdi daıarlaý kezinde stýdentterdiń teo­rııalyq qana emes, praktı­ka­­lyq bilim alýyna basty nazar aýdarylady. Jetekshi vırýso­logter zertteý men dıagnostı­kany qalaı júrgizý qajet, vırýs­tyń jańa túrlerin qalaı anyq­taý kerektigin kórsetip, óz táji­rıbe­lerimen bólisedi. Son­daı-aq bilim alýshylar mole­kýlıar­lyq bıologııa, bıohımııa, mık­robıologııa ádisterin meń­­ge­redi», dedi Bilim jáne ǵy­lym vı­se-mınıstri Qýanysh Erǵalıev.

Praktıkalyq sabaqtar basym bolǵandyqtan, stýdent­ter BQPǴZI bazasynda tájirı­be jáne taǵylymdamadan óte­di. Ins­tıtýt ǵalymdary, sonyń ishinde koro­navırýsqa qar­sy vaksına jasa­ǵan ǵalymdar vırýsologııa, bıo­logııa jáne bıotehnologııa sala­synda prak­tıkalyq sabaqtar men se­mınarlar ótkizedi. Oqýdy úzdik aıaq­taǵan túlekter odan ári bıo­lo­gııalyq qaýipsizdik problemalary ǵylymı-zertteý ıns­tıtýtyna jumysqa ornalasýy múmkin.

Aldaǵy ýaqytta ǵylymı-zertteý ınstıtýty bazasynda doktorlyq jumystardy qorǵaý jónindegi dıssertasııalyq keńes qurylady. Ǵylymı-zertteý ju­mystaryn júrgizý kezinde ádis­temelik-konsýltasııalyq kómek kórsetý úshin sheteldik ǵalym­dardy tartý kózdelip otyr.

Bıologııalyq qaýipsizdik prob­­lemalarynyń ǵylymı-zert­teý ınstıtýty mamandarynyń bıo­logııalyq qaýipsizdik, bıotehnolo­gııa, vırýsologııa, mıkrobıolo­gııa, ımmýnologııa salasynda mol tájirıbesi bar ekenin atap ót­ken jón. Instıtýt ǵalymdary pre­parattardyń 60-tan astam ataýyn, onyń ishinde 30 vaksına, 16 test-júıe jáne 15-ten astam túr­li bıopreparattardy ázirlep, engizdi. Sońǵy 10 jylda ınstıtýt asa qaýipti ın­fek­sııalarǵa qar­sy vaksınalardy, onyń ishinde otandyq QazVac vaksınasyn da­ıyn­daý tehnologııasyn jasady.