Almaty qalasynda Esep-nesıe tehnıkýmy negizinde qurylǵan Bank isi akademııasy jabylyp qaldy. Bul týraly «31 arna» habarlady.
Atalǵan oqý ornynyń jabylýyna bankrot negiz bolǵan kórinedi. Basshylyq tarapynan stýdentterge 3 kún ishinde qujattaryńdy alyp ketińder degen eskertý jasalypty. Qazir 300-ge tarta stýdent sendelip, qaıda bararyn bilmeı júr. Bilim ordasynda qyzmet etken ustazdar da bir kúnniń ishinde jumyssyz qalǵan. «Oqýdy bitirýge 3-4 aı qalǵan 3 kýrs stýdentterine qıyn boldy. Olardy basqa oqý oryndaryna ornalastyrý máselesi de áli sheshimin tapqan joq», - deıdi Bank isi akademııasynyń prorektory Marat Qalımoldın.
Bul máseleden qalalyq bilim departamenti de habardar eken. Osyndaǵy kásiptik bilim bóliminiń basshysy Lázzat Shalqabaevanyń aıtýynsha, oqý orny jabylyp qalǵan stýdentterdiń barlyǵy ózge bilim ordasyna aýystyrylatyn bolady. Biraq, ata-analar bul istiń oıdaǵydaı sheshiletinine kúmánmen qarap otyr. О́ıtkeni, olarǵa ózge oqý oryndaryna aqy tóleý mindeti júktelýi yqtımal.
Ámirhan Almaǵanbetov.
Derekkóz: «31 arna».
Foto: «31 arna».