Jambyl oblysy Qarataý qalasyndaǵy kóshelerdiń birinde oqtan jaralanǵan er adamnyń máıiti tabyldy. Polısııa departamenti málimetinshe, er adam ózine-ózi qol jumsaǵan bolýy múmkin, dep habarlaıdy Egemen.kz.
2021 jyly 2 qyrkúıekte Talas aýdandyq ishki ister bólimshesiniń kezekshi bólimine belgisiz er adamnyń máıiti tabylǵany týraly habarlama túsken. Máıitte oq jaraqaty bolǵan.
«Marqum óz atyna tirkelgen ańshy myltyǵynan ózine oq atqany anyqtalǵan. Qabyldanǵan sharalar barysynda qaıtys bolǵan adamnyń jeke basy anyqtaldy jáne týystary ony tanyǵan, ol eldi mekenniń turǵyny bolyp shyqty. О́z-ózine qol jumsaýdyń sebebi men istiń barlyq mán-jaıyn anyqtaý úshin tergeý organdary QR QK-niń 105-baby, 1-bóligi boıynsha sotaldy tergeýdi bastady, ıaǵnı ózine-ózi qol jumsaýǵa deıin jetkizý», dedi Jambyl oblysy PD baspasóz qyzmetindegiler.
Qazirgi ýaqytta barlyq qajetti sot-medısınalyq saraptamalar taǵaıyndalyp, tergeý áreketteri júrgizilip jatyr.Qazaqstan Respýblıkasy Qylmystyq is júrgizý kodeksiniń 201-babyna sáıkes, tergeý múddesine qatysty, istiń basqa da málimetteri jarııa etýge jatpaıdy.
Inbusiness.kz portaly Talas aýdany ákimdigine silteme jasap, qaza tapqan er adam Talas aýdany ákimdiginiń Turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń sektor meńgerýshisi ekenin jazdy.