Belgili bolǵandaı, «Tarazenergoortalyq» AQ Jambyl oblysy boıynsha tabıǵı monopolııalar sýbektileriniń memlekettik tirkeliminiń jergilikti bólimine jylý energııasyn óndirý jáne onymen jabdyqtaý qyzmetterin usyný boıynsha engizilgen bolatyn, dep jazady Egemen.kz.
Ulttyq ekonomıka mınıstrligi Tabıǵı monopolııalardy retteý komıtetiniń Jambyl oblysy boıynsha departamenti júrgizgen taldaý nátıjesinde «Tarazenergoortalyq» AQ tarapynan bekitilgen tarıftik smetanyń oryndalmaǵany anyqtaldy.
«Tabıǵı monopolııalar týraly» QR zańynyń 26-babynyń 2-tarmaǵynyń 15-tarmaqshasyna sáıkes, tabıǵı monopolııa sýbektisi bekitilgen tarıftik smetany oryndaýǵa mindetti.
«Joǵarydaǵynyń negizinde, departament «Tarazenergoortalyq» AQ-ǵa qatysty «Ákimshilik quqyq buzýshylyq týraly» QR Kodeksiniń 164-babynyń 4-bóligi boıynsha ákimshilik quqyq buzýshylyq týraly is qozǵap, 1600 AEK mólsherinde, ıaǵnı 4 667 200 teńge ákimshilik aıyppul saldy», delingen habarlamada.