Qazgıdromet mamandary Qazaqstan boıynsha 2021 jyldyń 11-13 qyrkúıegine arnalǵan aýa-raıy boljamyn jarııalady, dep habarlaıdy Egemen.kz.
Apta sońynda el aýmaǵynyń basym bóligi, áli de ótip bara jatqan sıklon jyrasynyń yqpalynda bolady. Solaısha eldiń soltústiginde, soltústik-batysynda, ortalyǵynda, shyǵysynda jáne ońtústik-shyǵystyń taýly aýdandarynda ekpindi jel, ońtústik-shyǵysynda jáne shyǵysynda naızaǵaımen jańbyr jaýady.
Sodan keıin 12 qyrkúıekten bastap Qazaqstan aýmaǵyna Máskeý aýdandarynan sýyq antısıklon aýysatyn bolady. Ol negizinen jaýyn-shashynsyz aýa-raıy men túnde aýa temperatýrasynyń batysta, soltústik-batysta, soltústikte, ortalyq pen shyǵysta mınýs mánderine deıin tómendeýine ákeledi.
Respýblıkanyń batysynda aýa temperatýrasy túnde 1 aıaz – 12 jylý, kúndiz 15-27-den 20-30 jylý, soltústik-batysta aýa temperatýrasynyń tómendeýi túnde 3-13 jylýdan 3 aıazǵa deıin – 10 jylý, kúndiz negizgi fon 12-23 jylý, soltústikte jáne ortalyqta aýa temperatýrasynyń tómendeýi túnde 3-13 jylýdan 3 aıazǵa deıin – 5 jylý, kúndiz negizgi fon 10-20 jylý, shyǵysta 5-13 jylýdan 1 aıazǵa deıin – 10 jylý, kúndiz 17-25 respýblıkanyń ońtústigi men ońtústik-shyǵysynda aýa temperatýrasy túnde 4-15, kúndiz 19-28 jyly bolady.