Aqtóbe oblysy, Muǵaljar aýdanynda júrgizýshi kóligimen birge ózenge batyp ketti, dep habarlaıdy Egemen.kz.
Muǵaljar aýdany Elek ózeniniń jaǵasynda qaıǵyly jaǵdaı oryn aldy.
«Qandyaǵash qalasynyń eki turǵyny Elek ózeniniń jaǵasynda júrip, «Volkswagen Passat» avtokóligimen jartastan ózenge qulaǵan. Apat saldarynan 59 jastaǵy júrgizýshi avtokólikten shyǵa almaı, sýǵa batyp ketti. Al 45 jastaǵy jolaýshy aýrýhanaǵa jetkizildi. Polısııa avtokólikti ózennen aýyr tehnıkanyń kómegimen alyp shyqty. Tergeýge tıesili saraptamalar taǵaıyndaldy», dedi oblystyq PD baspasóz qyzmetiniń jetekshisi Erbolat Sarqulov.
Bıyl óńirde 20-dan astam adam sýǵa batyp ketti. Onyń tórteýi bala.