«Barys» búgin Qurlyqtyq hokkeı lıgasyndaǵy kezekti oıynynda elordada Reseıdiń «Spartak» (Máskeý) komandasyn qabyldaıdy, dep habarlaıdy Egemen.kz.
Kezdesý elorda ýaqytymen 17.00-de bastalyp, «Qazsport» telearnasynan tikeleı efırde kórsetiledi. Eki komanda búginge deıin 24 márte sheberlik baıqasty. Onyń 16-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Aıta keterligi, elordalyq klýb atalǵan komandamen ótkizgen sońǵy tórt kezdesýdiń úsheýinde qarsylasynan basym tústi.
Eske salsaq, atalǵan saıystyń bıylǵy alǵashqy eki oıynynda elordada 3 qyrkúıekte «Barys» Reseıdiń «Salavat Iýlaev» klýbynan 1:5, «Metallýrg» (Magnıtogorsk) klýbynan 1:2 esebimen jeńildi.
Odan keıin «Amýr» (Habarovsk) komandasynan 3:2 esebimen basym tústi. Qurlyqtyq hokkeı lıgasynyń turaqty kezeńi 1 qyrkúıekte bastaldy. Ol 2022 jyldyń 1 naýryzynda máresine jetedi. Odan keıin týrnırdiń pleı-off satysy bastalady.