Sınoptıkter Qazaqstannyń birneshe oblysynda úsik bolady dep eskertý jasady, dep habarlaıdy Egemen.kz.
Qazgıdromet málimetinshe, 13 qyrkúıekte Qostanaı oblysynyń ońtústik-shyǵysynda 2 gradýs úsik kútiledi. Kúndiz oblystyń soltústiginde, soltústik-batysynda naızaǵaı bolady. Túnde jáne tańerteń oblystyń shyǵysynda tuman kútiledi. Ońtústik-batystan, batystan jel soǵady, kúshi kúndiz oblystyń soltústik-batysynda sekýndyna 15-20 metrge jetedi.
Aqmola oblysynyń soltústiginde, soltústik-batysynda batystan, ońtústik-batystan jel soǵady, ekpini sekýndyna 15-20 metr bolady. Túnde oblystyń ońtústik jartysynda 2 gradýs úsik kútiledi.Nur-Sultanda 13 qyrkúıekte túnde topyraq betinde 2 gradýs úsik bolady.
13 qyrkúıekte túnde Soltústik Qazaqstan oblysynyń ońtústik-batysynda 2 gradýs úsik kútiledi. Batystan, ońtústik-batystan jel soǵady, oblystyń soltústik-shyǵysynda kúshi sekýndyna 15-20 metr bolady.
Túrkistan oblysynyń taýly aýdandarynda soltústik-shyǵystan soǵatyn jeldiń kúshi sekýndyna 15-20 metr bolady. Oblys kóleminde tótenshe órt qaýipi saqtalady.