Svevind Group nemis-shved kompanııalar tobynyń basshysy Qazaqstan Prezıdentine «jasyl» energetıka salasyndaǵy ınvestısııalyq jobalardy júzege asyrýdyń perspektıvalary týraly aıtty, dep jazady Egemen.kz Aqordaǵa silteme jasap.
Atap aıtqanda Mańǵystaý oblysynda jel jáne kún elektr stansııalarynyń qurylysyna qatysty jobany iske asyrý jáne sodan keıin resýrstardy «jasyl» sýtegi óndirisine bólý josparlanyp otyr. Sonymen qatar jel generatorlary men kún energııasyn óndiretin panelderdi jergilikti jerde shyǵarý múmkindigi qarastyrylyp jatyr.
Qasym-Jomart Toqaev jańartylatyn qýat kózderin paıdalanýǵa jáne el ekonomıkasyndaǵy kómirtegine táýeldilikti tómendetýge basymdyq beretinin aıtty. Onyń pikirinshe, sýtegi energetıkasyna arnaıy nazar aýdarý kerek.
Memleket basshysy kompanııanyń usynǵan ınvestısııalyq usynystaryn oń baǵalap, Volfgang Kroppqa memleket tarapynan qoldaý kórsetiletinin aıtty.