Rýdnyı qalasynda «Jomart júrek» baıqaýynyń jeńimpazdary marapattaldy. Saltanatty rásimde qalanyń damýyna súbeli úles qosqan shúleńgir kásiporyndardyń basshylaryna qurmet kórsetildi.
Jıynda pandemııa kezinde kóptegen qaıyrymdylyq jobasyn tıimdi júzege asyryp, emdeý mekemelerine kómek qolyn sozǵan «Sarybaı-Sokolov kenbaıytý óndiristik birlestigi» AQ «Jyldyń úzdik uıymy» atalymy boıynsha jeńimpaz bolyp tanylyp, kásiporynnyń prezıdenti Valerıı Grınenkoǵa arnaıy gramota men músinshe tabys etildi.
О́ńirde indet órship turǵan kúrdeli kezeńde irgeli kásiporyn kóptegen ıgi isti qolǵa alyp, qaıyrymdylyq aksııalaryna belsendi qatysty. Birqatar áleýmettik baǵdarlamany iske asyrýǵa uıytqy bolyp, karantın kezinde turmysy qıyndaǵan azamattardy qoldaýǵa baǵyttalǵan «El tiregi – Elbasy» aksııasyna belsene qatysty.
– Biz atalǵan aksııa aıasynda myńdaǵan muqtaj janǵa azyq-túlik sebetin jetkizdik. Jalpy, ERG kásiporyndary ózderi ornalasqan óńirlerde kómekke muqtaj jandarǵa 11 myńǵa jýyq azyq-túlik sebetin tabystady. Olardyń ishinde bizdiń birlestik daıyndaǵan 2 myńnan astam azyq-túlik jıyntyǵy bar. Budan bólek SSKО́B ujymy balalar úıi men sábıler úıine turaqty túrde kómek kórsetip keledi. «Donor kúnderin» jıi uıymdastyrady. Tek osy jyldyń ózinde bizdiń 200 kenshi 90 lıtrden astam qan tapsyrdy. Sondaı-aq kásiporyn «Túrkistan-Sibir magıstraliniń 90 jyldyǵyna oraı SО́S úshin chellendj», «Qarttar kúni», «Uly Otan soǵysy ardagerlerin Jeńis kúnimen quttyqtaý», «Naýryz – ıgi ister aıy» jáne taǵy basqa kóptegen qaıyrymdylyq is-sharasyna sońǵy bir jyldyń ishinde shamamen 92 mln teńge qarjy jumsady, – dedi «SSKО́B» AQ prezıdenti V.Grınenko.
«Jomart júrek» jyl saıyn áleýmettik salanyń damýyna mol qarjy jumsap, qaıyrymdy isimen erekshelengen kásiporyndarǵa tabys etiledi. Atalǵan syılyq osydan úsh jyl buryn Aqparat jáne qoǵamdyq damý mınıstrliginiń bastamasymen elimizde qaıyrymdylyq qyzmetin damytýǵa eleýli úles qosqandardy izdestirý jáne kótermelep, yntalandyrý maqsatynda berile bastady.
Qostanaı oblysy,
Rýdnyı qalasy