AQSh-tyń Colossal bıotehnologııalyq kompanııasynyń zertteýshileri genetıkalyq tehnologııanyń kómegimen joıylyp ketken júndi mamontty qaıta tiriltýge kúsh salmaq, dep habarlaıdy Egemen.kz Deutsche Welle-ge silteme jasap.
Júndi mamontty jandandyrýdyń bastamashysy bolǵan kompanııa óz jobasyn júzege asyrý úshin 15 mıllıon dollar jınaý kerektigin aıtty.
Basylymnyń málimetinshe, ǵalymdar toby qajetti qasıetteri bar mamonttardy tiriltý úshin pil genomyn óńdeıdi. Atap aıtqanda, ǵalymdar brakonerlerdiń qyzyǵýshylyǵynyń artýyna jol bermeý úshin qysqa tisteri bar mamonttardy jandandyrýdy josparlap otyr. Ǵalymdar jańa mamontty jasandy jatyrda ósirýdi josparlaıdy. Alǵashqy tekshelerdiń paıda bolýyn alty jyldan keıin kútýge bolady deıdi zertteýshiler.
«Adamzat buryn-sońdy ekojúıelerdi qalpyna keltirý, jerimizdi saýyqtyrý jáne joıylyp ketken janýarlardy qonystandyrý arqyly onyń bolashaǵyn saqtaý úshin osy tehnologııanyń múmkindikterin paıdalana almady», dedi Colossal negizin qalaýshy Ben Lamm
Zertteýshiler bastapqyda zerthanada mamonttyń DNQ-sy bar embrıondardy qurý arqyly pil men mamonttyń gıbrıdin qurý týraly oılady.
«Bul eksperımenttiń aýqymy úlken. Mamonttardyń árqaısysy 22 aı júktilikten ótip, 30 jasqa deıin ósý kerek», dedi tabıǵı tarıh murajaıynyń evolıýsııalyq bıology doktor Vıktorııa Herrıdj.
Joıylyp ketken janýarlardyń qaıta tirilýi zaqymdalǵan ekojúıelerdi qalpyna keltire alady. Colossal júndi mamonttar arktıkalyq jaıylymdardy jandandyrýy múmkin dep sanaıdy, ıaǵnı olardyń qasıetteri jahandyq jylynýdy jumsartady.
«Colossal DNQ-ny oqý jáne jazý tehnologııasynda qol jetkizilgen eksponensıaldy progresti qoldanady jáne ony qorshaǵan ortany saqtaý men kómirtekti sekvestrleýdiń mańyzdy máselelerin sheshý úshin qoldanady», dedi Garvard ýnıversıtetiniń genetıgi Djordj Cherch.