Prezıdent Q.Toqaevtyń bıylǵy Joldaýynda áleýmettik jáne ekonomıkalyq mańyzy bar taqyryptar qozǵalyp, biraz másele kóterildi. Sonymen qatar búkil álemdi alańdatyp otyrǵan pandemııamen kúres joldaryn, onyń elimizge alyp kelgen zardaby men ózgeristerin aıta kelip, eldiń áleýmettik damýyna, turǵyndardyń tabysy men jumys oryndarynyń saqtalýy, halqymyzdyń densaýlyǵy men ómirin qorǵaý jolyndaǵy jumystarǵa basa nazar aýdarý qajettigin sóz etti.
Prezıdent elimizde aqparattyq tehnologııalardy memlekettik sektorǵa engizý jumystary qarqyndy júrgizilip jatqanyn atap ótti. Sonymen qatar sıfrlandyrý degenimiz bir ǵana salany damytý emes ekenine toqtalyp, onyń eń aldymen, ekonomıkanyń, ónerkásiptiń jáne qoǵamnyń damýyna áser etýi tıis ekenin jetkizdi. Sondyqtan barlyq memlekettik organdar men vedomstvolarǵa qarasty mekemelerge ortaq monıtorıng júıesin qurýdyń mańyzdylyǵyn eskertip, sıfrlandyrý memlekettik mańyzdy is, el ekonomıkasynyń damýy atalǵan salaǵa tikeleı baılanysty ekenin atap ótti. Ozyq ınnovasııalyq tehnologııalardy engizýdi jandandyrý, startap-jobalardy damytý, ásirese aýyldyq jerlerde sapaly ınternettiń bolmaýy máseleleri de nazardan tys qalmady.
Aqparattyq tehnologııalar kómegimen ishinara kelisýshilikti qamtamasyz etetin, memleket pen azamattar arasyndaǵy, sondaı-aq, memleket organdarynyń ózara árekettestiginiń biryńǵaı mehanızmin odan ári jetildirý úshin IT-mamandar daıarlap shyǵý búgingi kúnniń basty talaby. Ozyq otyz memlekettiń qataryna kirýdi murat etken elimiz úshin sıfrly damýdy qolǵa alý máselesi búginde nazardan tys qalǵan emes. Joldaý bolashaǵymyzdyń irgesin nyqtaýǵa mindetteıdi. Endeshe qýatty Qazaqstandy birge quryp, eldiń ál-aýqatyn jaqsartý jolynda jemisti jumys istep, erinbeı eńbekteneıik.
Dına KARIPOVA,
Eskeldi aýdandyq Analar keńesiniń tóraıymy
Almaty oblysy