Bıylǵy 1 qyrkúıektegi jaǵdaı boıynsha 12 501 adam tarıhı otanymen tabysyp, qandas mártebesin aldy. Jalpy, 1991 jyldan beri respýblıkaǵa 1 mln 82,8 myń etnostyq qazaq oraldy.
Eńbek jáne halyqty áleýmettik qorǵaý mınıstrligi baspasóz qyzmetiniń habarlaýynsha, osy jyldyń basynan Qazaqstanǵa kelgen qandastardyń jartysynan kóbi (76,0%) О́zbekstannan, 9,8%-y – Qytaıdan, 6,8%-y – Túrikmenstannan, 2,5%-y – Mońǵolııadan jáne 4,9% basqa elderden eken.
Kelgen etnostyq qazaqtar negizinen Almaty (28,4%), Mańǵystaý (19,5%), Túrkistan (13,8%) jáne Jambyl (8,2%) oblystaryna, sondaı-aq Shymkent (10,4%) qalasyna qonystandy.
Osy jylǵy 1 qyrkúıektegi jaǵdaı boıynsha eńbekke qabiletti jastaǵy etnostyq qonys aýdarýshylar sany 55,2%-dy, eńbekke qabiletti jastan kishi 27,1%-dy jáne zeınetkerler 17,6%-dy quraıdy.
Eńbekke qabiletti jastaǵy qandastardyń ishinen bilim deńgeıi boıynsha 11%-y joǵary bilimdi, 39,4%-y orta kásibı bilimdi, 45,7%-y jalpy orta bilimdi jáne 3,9%-nyń bilimi joq.
«Egemen-aqparat»