Sınoptıkter 15 qyrkúıekke arnalǵan aýa raıy boljamyn jarııalady, dep habarlaıdy Egemen.kz.
«QR basym bóliginde, antısıklon áserinen jaýyn-shashynsyz aýa raıy saqtalady. Atmosferalyq frontaldy bólikterdiń ótýimen Qazaqstan Respýblıkanyń soltústik, soltústik-batys, batys jáne ońtústiginde jańbyr jaýyp, naızaǵaı oınaıdy. Kúndiz respýblıkanyń soltústik, soltústik-batys, batys, ońtústik-shyǵys, ońtústik-batysynda jel ekpini kúsheıedi», delingen «Qazgıdromet» RMK baspasóz habarlamasynda.
Atap aıtqanda, kúndiz Batys Qazaqstan oblysynyń basym bóliginde jel ekpini 15-20 m/s deıin kúsheıedi.
Kúndiz Aqmola oblysynyń batysynda, Qostanaı oblysynyń soltústik-batysynda naızaǵaı oınap, jel ekpini 15-20 m/s deıin kúsheıedi. Túnde Qyzylorda oblysynyń soltústiginde naızaǵaı oınap, kúndiz jel ekpini 15-20 m/s deıin kúsheıedi.
Kúndiz Soltústik Qazaqstan oblysynyń ońtústiginde, Jambyl oblysynyń soltústik-shyǵys, ońtústik-batysynda jel ekpini 15-20 m/s deıin kúsheıedi.
Túnde Qaraǵandy, Shyǵys Qazaqstan oblystarynyń soltústik-shyǵysynda 3 gradýs úsik saqtalady.
«Almaty, Jambyl, Túrkistan, Qyzylorda, Mańǵystaý, Atyraý, Aqtóbe oblystarynyń basym bóliginde, Qostanaı, Qaraǵandy oblystarynyń soltústik-batys jáne batysynda, Batys Qazaqstan oblysynyń soltústik-shyǵys jáne ońtústiginde, Shyǵys Qazaqstan oblysynyń ońtústiginde, Pavlodar oblysynyń ortalyǵynda, Aqmola oblysynyń soltústik-batysynda tótenshe órt qaýipi saqtalady», delingen habarlamada.