Qazaqstandyq boksshy Jánibek Álimhanuly (10-0, 6 KO) tanymal otandasy Gennadıı Golovkınmen jekpe-jek ótkizýge qatysty pikir bildirdi, dep habarlaıdy Egemen.kz.
«Jankúıerler menen GGG-di nege jekpe-jekke shaqyrmaıtynymdy suraıdy. Jaýap bereıin. Ol - meniń aǵam. Qazaqstanda úlkenderdi qurmetteý kerek, bul - bizdiń dástúr. Keıbir jankúıer muny túsinbeıtin shyǵar. Biraq dástúrdi qurmetteý keregin bári biledi. Bul - qazaq stıli», dep jazdy Álimhanuly Twitter jelisindegi paraqshasynda.