Meksıkanyń ortalyǵyndaǵy San-Lýıs Potosı shtatynyń Matehýala aýdanyndaǵy qonaqúıden buryn belgisiz qarýly adamdar urlap ketken 22 sheteldik azamat qutqaryldy, dep habarlaıdy Egemen.kz VVS-ge silteme jasap.
Urlanǵan adamdardyń kópshiligi Venesýela, Gaıtı jáne Kýba azamattary.
Bılik qarýly adamdar 16 meksıkalyqty da urlap ketkenin habarlady.
Adam urlaýshylar meksıkalyqtardy, sodan keıin sheteldik azamattardy bosatty. Sheteldikterge medısınalyq kómek kórsetildi.
Memlekettik prokýror Federıko Artýro Garza Errera sheteldikterdiń jeke basy anyqtalyp jatqanyn habarlady.
Al adamdardy kimder jáne nege urlaǵany jaıly aqparat ázirge joq.
Buǵan deıin 15 qyrkúıek kúni tańerteń qonaqúıge úsh shaǵyn avtobýspen kelgen belgisiz qarýly adamdar sheteldikterdi urlap áketkeni jaıly jazǵan bolatynbyz.