Sınoptıkter 16 qyrkúıekke arnalǵan aýa raıy boljamyn jarııalady, dep habarlaıdy Egemen.kz.
«Sıklon áserinen QR soltústiginde, soltústik-batysynda, batysynda jańbyr jaýady, naızaǵaı oınaıdy. Qalǵan aýmaqta antısıklon jotasynyń áserinen jaýyn-shashynsyz aýa raıy bolýy múmkin. Respýblıkanyń soltústiginde, soltústik-batysynda, batysynda jáne ońtústiginde jel soǵyp, soltústiginde tuman túsedi», delingen «Qazgıdromet» RMK baspasóz habarlamasynda.
Atap aıtqanda, Soltústik Qazaqstan oblysynda soltústik-batysynda, soltústiginde naızaǵaı oınap, tuman túsedi, túnde ońtústiginde jel 15-20 m/s, kúndiz basym bóliginde 15-20 deıin, ekpini 23-28 m/s kúsheıedi.
Túnde Aqmola oblysynyń soltústik-batysynda, kúndiz basym bóliginde naızaǵaı oınaıdy, jel 15-20 m/s deıin kúsheıedi.
Qostanaı oblysynyń soltústik-batysynda, soltústik-shyǵysynda naızaǵaı oınaıdy, soltústik-batysynda, ońtústiginde jel 15-20 m/s deıin kúsheıedi.
Kúndiz Pavlodar oblysynyń soltústiginde, soltústik-batysynda naızaǵaı oınaıdy, jel 15-20 m/s deıin kúsheıedi.
Kúndiz Aqtóbe oblysynyń ońtústik-shyǵysynda, shyǵysynda, Qyzylorda oblysynyń ortalyǵynda, Qaraǵandy oblysynyń batysynda 15-20 m/s deıin jel kúsheıedi.
Túnde Shyǵys Qazaqstan oblysynyń shyǵysynda, Qaraǵandy oblysynyń soltústiginde, soltústik-shyǵysynda 2 gradýs úsik saqtalady.
«Almaty, Jambyl, Túrkistan, Qyzylorda, Mańǵystaý, Atyraý, Aqtóbe oblystarynyń basym bóliginde, Qostanaı, Qaraǵandy oblystarynyń ońtústik-batysynda, batysynda, Batys Qazaqstan oblysynyń soltústik-shyǵysynda jáne ońtústiginde, Shyǵys Qazaqstan oblysynyń ońtústiginde, Pavlodar oblysynyń ortalyǵynda, Aqmola oblysynyń soltústik-batysynda tótenshe órt qaýpi saqtalady», delingen habarlamada.