Soltústik Qazaqstan oblysynyń eki basqarmasyna jańa basshy taǵaıyndaldy. Olardy óńir jetekshisi Qumar Aqsaqalov ákimdik jıynynda tanystyrdy, dep habarlaıdy Egemen.kz.
SQO jer ınspeksııasyna endi Baqytjan Bekish jetekshilik etpek.
Baqytjan Serikuly 1984 jyly týǵan, bilimi joǵary, 2005 jyly M. Qozybaev atyndaǵy Soltústik Qazaqstan memlekettik ýnıversıtetin «ıýrısprýdensııa bakalavry» mamandyǵy boıynsha támamdaǵan.
Eńbek jolyn 2007 jyly SQO Ǵabıt Músirepov atyndaǵy aýdany Novoıshımskoe aýylynyń «Qurylys bólimi» memlekettik mekemesiniń jetekshi mamany bolyp bastap, sol aýdanda birqatar laýazymdy qyzmetterdi atqardy.
2016-2021 jyldary «Soltústik Qazaqstan oblysy ákimdiginiń jer ınspeksııasy basqarmasy» KMM basshysynyń orynbasary-memlekettik ınspektory bolyp eńbek etti.
Sondaı-aq SQO ekonomıka basqarmasyna Qýanyshbek Qalıjanov taǵaıyndaldy. Qýanyshbek Serikuly 1981 jyly SQO Aqjar aýdany Talshyq aýylynda dúnıege kelgen.
2001 jyly Kókshetaý esep-saýda kolledjin jáne 2012 jyly «Kókshe» akademııasyn «Qarjy» mamandyǵy boıynsha bitirgen.
Eńbek jolyn 2004 jyly SQO statıstıka basqarmasynyń Aqjar aýdany Talshyq aýyldyq okrýginiń mamany bolyp bastady.
2012 jyldan 2015 jylǵa deıin QR UEM Statıstıka komıteti SQO statıstıka departamentiniń Aqjar aýdanynyń statıstıka basqarmasynyń basshysy laýazymyn atqardy.
2015 jyldan 2021 jylǵa deıin SQO statıstıka departamenti basshysynyń orynbasary boldy.