Esep komıtetiniń eks-múshesi Talǵat Jaqan QR Prezıdenti is basqarmasynda «Materıaldyq-tehnıkalyq qamtamasyz etý basqarmasy» MM basshysy qyzmetine taǵaıyndaldy, dep habarlaıdy Egemen.kz.
Eske salaıyq, 9 qyrkúıekte Senat depýtattary Respýblıkalyq bıýdjettiń atqarylýyn baqylaý jónindegi esep komıtetiniń múshesi Talǵat Jaqannyń ókilettigin toqtatty. Talǵat Amangeldiuly Jaqannyń basqa jumysqa aýysýy týraly ózi ótinish bergen.
Talǵat Jaqan 2007 jylǵy shildeden qazan aıyna deıin QR Syrtqy ister mınıstriniń keńesshisi boldy;
2007 jyldyń qazanynan 2010 jylǵa deıin - QR Parlamenti Senaty apparat jetekshisiniń orynbasary;
2010 jyldan 2012 jyldyń aqpanyna deıin - QR Premer-mınıstri keńsesiniń Makroekonomıkalyq taldaý jáne baǵdarlamalar monıtorıngi bóliminiń meńgerýshisi;
2012 jyldyń naýryzynan qazanyna deıin - QR Premer-mınıstriniń keńesshisi;
2012 jyldyń qazanynan 2014 jyldyń shildesine deıin - QR Prezıdenti ákimshiliginiń Memlekettik baqylaý jáne uıymdastyrý-aýmaqtyq jumystar bóliminiń memlekettik ınspektory;
2014 jyldyń shildesinen 2016 jyldyń qyrkúıegine deıin - TMD Atqarý komıtetiniń qarjy departamentiniń dırektory (Máskeý);
2016 jyldyń 16 qyrkúıeginen 2021 jyldyń qyrkúıegine deıin - Respýblıkalyq bıýdjettiń atqarylýyn baqylaý jónindegi esep komıtetiniń múshesi.