«Talıban» kóshbasshylary ýaqytsha zań shyǵardy. Qujat boıynsha jańa basqarý júıesin quryp, burynǵy zańnamada bekitilgen úsh tildiń ornyna eki resmı tildi qaldyrdy, dep habarlaıdy Egemen.kz RIA Novostıge silteme jasap.
«Negizder» dep atalatyn zań Aýǵanstannyń resmı dini retinde - ıslam dininiń hanafı mazhabyn, resmı tili dep pýshtý men darıdi kórsetedi. Buryn Aýǵanstanda soltústik provınsııalardyń kóptegen turǵyny sóıleıtin ózbek tili de resmı mártebege ıe bolatyn. Sonymen qatar, elde shııtter de bar. Oǵan negizinen hazarlardan kiredi.
Qujatqa sáıkes, Aýǵanstanda ıslamdyq zańgerler keńesi men joǵarǵy keńes qurylady, onyń quramyna ár provınsııadan saıasatkerler, ǵalymdar men din qyzmetkerleri kiredi.
Atqarýshy bıliktiń basshysy - Prezıdent, ony azamattar men joǵary keńes músheleri saılaıdy. Saılaýdyń ashyq ótýin qamtamasyz etý úshin saılaý komıssııasy qurylady. Eger burynǵy úkimet kezinde Aýǵanstan Ulttyq Assambleıasynyń ókilderi derbes depýtattyq quqyqqa ıe bolsa, jańa úkimet ol quqyqtan aıyrýdy kózdep otyr.