AQSh-tyń Merılend shtatynda tańǵajaıyp oqıǵa oryn aldy. O dúnıelik bolǵan Ketı Patten 45 mınýttan soń ári segizinshi nemeresi dúnıege keler aldynda tirilip ketti, dep habarlaıdy Egemen.kz.
Bul týraly Lenta.ru basylymy málim etti.
Keıýananyń klınıkalyq ólim jaǵdaıynda bolǵany basa aıtylady.
Qyzy Fıfer bosaný úshin perzenthanaǵa túsedi. Áıel de asyǵa-úsige onyń artynan jetedi. Biraq segizinshi nemeresin asyǵa kútip otyrǵan ol dálizde qulaıdy. Sóıtse áıel ınfarkt alǵan bolyp shyqty. Birden ony jan saqtaý bólimine jatqyzdy, áıeldiń júregi toqtap, 45 mınýt boıy tirshilik belgisin bermegen, dep habarlaıdy CBS Baltımor telearnasy.
Bul kezde Fıfer kesarevo otasyna daıyndalyp qoıǵan edi. Segizinshi ret áje bolýy tıis áıel osy ota aldynda esin jıyp, ómirge qaıta oraldy. Qaıta tirilgen naýqas perzenthanaǵa kelip, kóp uzamaı Alora esimdi jańa týǵan nemeresin qushaǵyna aldy.
«Qudaıǵa shúkir, ol maǵan ekinshi múmkindik berdi. Endi men múmkindiginshe jaqsy adam bolamyn», dedi keıýana.