Aqmola oblysy sybaılas jemqorlyqqa qarsy kúres basqarmasynyń birinshi orynbasary bolyp kelgen Arman Berdalın qyzmetinen ketti, dep habarlaıdy Egemen.kz.
Bul jaıly ol óziniń áleýmettik jelidegi paraqshasynda málimdedi.
Arman Tilektesuly Berdalın 1983 jyly týǵan. 2004 jyly Sh.Ýálıhanov atyndaǵy Kókshetaý memlekettik ýnıversıtetiniń saıasattaný fakýltetin saıasattanýshy mamandyǵy boıynsha bitirgen.
Eńbek jolyn 2001 jyl tilshi bolyp bastaǵan ol mádenıet jáne óner salasynda qyzmet etip, birneshe mekemelerdiń dırektory bolyp qyzmet etken.
Keıingi jyldary Aqmola oblysy tilderdi damytý departamentiniń jetekshisi, Memlekettik qyzmet isteri jáne sybaılas jemqorlyqqa qarsy is-qımyl agenttiginde departament dırektory sekildi jaýapty qyzmet atqarǵan.
Al búgin Aqmola oblysy sybaılas jemqorlyqqa qarsy kúres basqarmasynyń birinshi orynbasary qyzmetinen ketti.