Jaqynda oblystyq telekommýnıkasııalar dıreksııasynyń ǵımaratynda jelilik basqarý ortalyǵy iske qosyldy. Bul ortalyq jergilikti jelilik telekommýnıkasııa qyzmetiniń jaǵdaıy men basqarý jumystaryn baqylap otyrýǵa múmkindik beredi.
Elimizdegi telekommýnıkasııa salasynyń sapaly damýy jolyndaǵy máselelerdi sheshý jelilik basqarýdy jetildirýdiń tıimdi faktory bolyp esepteledi. Basqarý úderisi úzdiksiz monıtorıng, boljamdaý, josparlaý, jumysty uıymdastyrý, apattyq dabyl kezinde shuǵyl túrde durys sheshim qabyldaý tárizdi qyzmetterdi atqarady.
– Jelilik basqarý ortalyǵy jelilerdiń paıdalanýǵa berilý kezinen bastap, jumys barysyndaǵy úzdiksiz qyzmetin qamtıdy, – deıdi oblystyq telekommýnıkasııalar dıreksııasynyń bas dırektory Sádibek Baltabaıuly.
Erkin ÁBIL.
QYZYLORDA.