Qazaqstan Respýblıkasynyń Prezıdenti Nursultan Nazarbaev Reseı Federasııasynyń Qorǵanys mınıstri Sergeı Shoıgýmen kezdesti, dep habarlady Qazaqstan Prezıdentiniń baspasóz qyzmeti.
Qazaqstan Respýblıkasynyń Prezıdenti Nursultan Nazarbaev Reseı Federasııasynyń Qorǵanys mınıstri Sergeı Shoıgýmen kezdesti, dep habarlady Qazaqstan Prezıdentiniń baspasóz qyzmeti.
Áńgimelesý barysynda Qazaqstan men Reseı arasyndaǵy áskerı jáne áskerı-tehnıkalyq ekijaqty yntymaqtastyqty nyǵaıtýdyń negizgi baǵyttary talqylandy.
Nursultan Nazarbaev Qorǵanys mınıstriniń sapary Reseı Federasııasy Prezıdenti Vladımır Pýtınmen budan buryn qol jetkizilgen ýaǵdalastyqtar aıasynda júzege asyrylyp otyrǵanyn atap ótti.
– Qazirgi ýaqytta barlyq máseleler bizdiń elderimiz arasyndaǵy dostyq jáne senimdi baılanystar arnasynda sheshimin tabýda. Sondyqtan bul sapar yntymaqtastyǵymyzdy odan ári nyǵaıtýǵa da qyzmet etedi, – dedi Memleket basshysy.
S.Shoıgý kezdesý úshin alǵys aıta otyryp, Qazaqstannyń Qorǵanys mınıstrligi basshylyǵymen júrgizilgen kelissózder týraly aıtty.
Memleket basshysy men Reseı Qorǵanys mınıstri eki eldiń qorǵanys salasyndaǵy ózara yqpaldastyǵy qarqyndy damyp kele jatqanyn atap ótip, tıisti kelisimderdi odan ári iske asyrýdyń negizgi joldaryn belgiledi.
-----------------------------------------
Sýretterdi túsirgender
S.BONDARENKO, B.OTARBAEV.