Brazılııa Prezıdenti Djaır Bolsonaro COVID-19 ınfeksııasyna qarsy vaksına almaǵanyna baılanysty Nıý-Iorktegi meıramhanaǵa kire almady. Bul týraly Egemen.kz Reuters agenttigine silteme jasap habarlaıdy.
Memleket basshysy AQSh-qa BUU Bas Assambleıasynyń 76-sessııasyna qatysý úshin kelgen. Uıymnyń ǵımaratyna kirý úshin vaksınasııa týraly rastamanyń bolýy mindetti emes. Biraq Nıý-Iorkte vaksınasyz qoǵamdyq tamaqtaný oryndaryna barýǵa tyıym salynǵan.
Buǵan deıin Nıý-Iork meri Bıll de Blazıo qalaǵa keletin álemdik kóshbasshylardy sapar aldynda ekpe jasatýǵa úndegen. BUU Bas hatshysy Antonıý Gýterrısh te dál osyndaı málimdeme jasaǵan edi.