Kásipqoı bokstan IBF pen IBO nusqalary boıynsha altyn belbeýdiń ıegeri Gennadıı Golovkın jáne WBA tujyrymynyń sýperchempıony Rıoto Mýrata ortaq mámilege kelip, ózara kelisimge qol jetkizdi, dep habarlaıdy Egemen.kz.
Qos tarap 28 jeltoqsanda Japonııanyń Kıoto qalasynda kúsh synasýdy kózdep otyr. Osy jekpe-jekte jeńiske jetken boksshy joǵaryda atalǵan nusqalardyń chempıondyq belbeýlerdiń barlyǵyn ıelendi. Jeńilgenderi óz ataǵynan aıyrylady.
GGG-niń júrip ótken joly barsha jankúıerler jaqsy málim. 39 jastaǵy jerlesimiz 43 kezdesýdiń 41-inde jeńiske jetip, 36 qarsylasyn esinen tandyrdy. Bir ret utylyp, bir básekede teń esep tirkeldi.
35 jastaǵy Japonııanyń juldyzy áýesqoılar arasynda da tolaǵaı tabystarǵa qol jetkizgen. 2011 jyly álem chempıonatynda kúmis alsa, 2012 jyly London Olımpıadasynda bas júldeni oljalady. Sodan keıin kásipqoı rıngte kúsh synasýǵa bel býdy. Sol kezden beri 18 ret sharshy alańǵa kóterilip, 16 jekpe-jekte basym tústi. 13 kezdesýdi merziminen buryn aıaqtady. Eki básekede Mýrata jeńilistiń kermek dámin tatty.