Bıologııalyq qaýipsizdik problemalary ǵylymı-zertteý ınstıtýtynyń IQM brýsellezine qarsy jańa vaksınasy óndiriske engizildi, dep habarlaıdy Egemen.kz.
Bıologııalyq qaýipsizdik problemalary ǵylymı-zertteý ınstıtýtynyń ǵalymdary Memleket basshysynyń bıologııalyq qaýipsizdikti kúsheıtý jónindegi tapsyrmasy sheńberinde qaýipti, asa qaýipti jáne zooantropozdyq ınfeksııalarǵa qarsy profılaktıkalyq preparattardy ázirleý boıynsha jumystardy belsendi júrgizýde.
Osyndaı preparattardyń biri quramynda ımmýnodomınantty brýsellezdik aqýyzdary bar, tumaý vırýstyq vektory negizinde iri qara maldyń brýsellezine qarsy biregeı vektorlyq vaksına bolyp tabylady.
BQPǴZI ǵalymdary retteýshi organnyń ókilderimen birlesip Qazaqstan Respýblıkasy Aýyl sharýashylyǵy mınıstrliginde komıssııalyq baıqaýdan ótkizý synaqtaryn sátti ótkizdi. BQPǴZI ǵylymı qyzmetkerleri 2020-2021 jyldary Jambyl oblysy Qordaı aýdany «Baı-Nur» sharýa qojalyǵynda iri qara maldyń brýsellezine qarsy jańa vektorlyq vaksınanyń zııansyzdyǵy men ımmýnogendiligine tirkeýden keıingi synaqtar júrgizdi.
Úsh aı boıy býsterlik vaksınasııadan keıin 100 bas vaksınasııalanǵan maldardyń tólinde RBS-da brýsellezge shaldyqqan janýarlar anyqtalǵan joq. Qazirgi ýaqytta vaksına óndiriske engizildi. 2021 jyly keń aýqymdy qoldaný úshin vaksınanyń óndiristik serııalary daıyndaldy.