Atyraý qalasynyń 12 jasar týmasy shahmattan halyqaralyq týrnırdiń jeńimpazy atandy, dep habarlaıdy Egemen.kz.
Oblystyq sport jáne dene shynyqtyrý basqarmasynyń baspasóz qyzmeti málim etkendeı, 12-21 qyrkúıek aralyǵynda Reseıdiń Chelıabınsk qalasynda halyqaralyq grossmeıster V.Panchenkony eske alýǵa arnalǵan halyqaralyq shahmat týrnıri ótti.
«Týrnırge qatysqan 57 shahmatshynyń arasynda 6 grossmeıster, 30 halyqaralyq dárejeli sheberler bar. Al, áıelder arasyndaǵy Reseı kýbogynyń kezekti kezeńi bolyp esepteletin týrnırde atyraýlyq shahmatshy Zarına Nurǵalıeva 13 jasqa deıingi qyzdar básekesinde jeńimpaz atandy. Osy jeńisinen keıin qazaqstandyq jas shahmatshy FIDE reıtınginde 140-satyǵa kóterip, 1950 upaıǵa qol jetkizdi. Ol endi Sankt-Peterbýrg pen Tashkent qalasynda shahmattan ótetin halyqaralyq festıvalge qatysyp, reıtıngtik upaıyn 2100-ge jetkizýdi kózdep otyr. Bul – FIDE sheberi normatıviniń deńgeıi», dep jazady basqarmanyń baspasóz qyzmeti.