Soltústik Qazaqstan oblysynyń polıseıleri «Ýchastok» jedel aldyn alý is-sharasynyń qarqyny jóninde aıtyp berdi, dep habarlaıdy Egemen.kz.
Polısııa departamenti baspasóz qyzmetiniń málimetinshe, tártip saqshylary úılerdi aralap, turǵyndarǵa óz nómirleri bar vızıtkalardy tabystaıdy, olar kez kelgen ýaqytta ózderiniń ýchaskelik polısııa qyzmetkerlerine zań buzýshylyqtar týraly habarlaı alatynyn eske salady.
«Polısııaǵa ýaqtyly júginý turmystyq zorlyq-zombylyqpen kúresý úshin óte mańyzdy. Jyl basynan beri oblysta otbasylyq janjaldaýshylarǵa qatysty 1 872 qorǵaý uıǵarymy shyǵaryldy. 468 quqyq buzýshyǵa qatysty sot minez-qulyqqa erekshe talaptar qoıdy. Turmystyq zorlyq-zombylyq qurbandary polıseılerdiń kómegine júginýge árdaıym daıyn bola bermeıdi - ne qorqytady, ne buzaqylardyń túzelý ýádelerine senedi», dedi jergilikti polısııa qyzmeti basqarmasynyń bastyǵy Aıdyn Baımatov.
Oblystaǵy taǵy bir problemalyq sanat - alkogolge táýeldilikten zardap shegetin adamdar. Oblysta olardyń sany 3 018 adamǵa jetti. Jyl basynan beri oblys boıynsha 153 adam májbúrlep emdeýge jiberildi.