QR Premer-Mınıstriniń orynbasary Eraly Toǵjanov Qazaqstan Ulttyq Olımpıada komıtetine Tokıo Olımpıadasynyń qatelikterin taldaıtyn jumys tobyn qurýdy usyndy, dep habarlaıdy Egemen.kz.
«Olımpıada oıyndarynyń qorytyndysy boıynsha qatelikpen sapaly jumys isteý mańyzdy dep sanaımyz. Bul másele komıtettiń bas assambleıasynyń búgingi otyrysynda talqylanady. Ekinshiden, Ulttyq Olımpıada komıtetinen dene shynyqtyrý jáne sportty damytýdyń 2025 jylǵa deıingi keshendi josparyn ózektilendirýge belsendi qatysýdy suraımyn. Sizderdiń mol tájirıbeńiz sapaly jospar daıyndaýǵa kómektesetinine senimdimin. Memlekettik organdar men sport qaýymdastyqtarynyń ókilderi sapynan jumys tobyn qurýdy usynamyn», dedi Eraly Toǵajnov.
Onyń aıtýynsha, búginde bapkerler daıarlaý isi ózekti bolyp tur.
«Ulttyq Olımpıada komıteti Mádenıet jáne sport mınıstrligimen, Bilim jáne ǵylym mınıstrligimen birlesip, joǵary oqý oryndarynda jańa bilim baǵdarlamalaryn daıyndaýǵa atsalysýy kerek. Sondaı-aq mınıstrlikke bapkerlerdi qoldaý, onyń ishinde eńbekaqysyn kóterý boıynsha usynys daıyndaý kerek. Tórtinshiden, aldaǵy Beıjiń qalasynda ótetin qysqy Olımpıada oıyndarynda sportshylarymyzdyń tabysty óner kórsetýin qamtamasyz etý qajet. Bul máseleni jýyqta Úkimette talqylaǵanbyz. Federasııa basshylarymen bul jóninde jeke kezdesý ótkizemiz», dedi vıse-premer.