«Almaty-О́skemen» tas jolynda eki kólik soqtyǵysyp, 5 adam zardap shekken, dep habarlaıdy Egemen.kz.
ShQO Polısııa departamenti baspasóz qyzmetiniń málimetine súıensek, jol-kólik oqıǵasy respýblıkalyq mańyzy bar «Almaty-О́skemen» tas jolynyń 13-shaqyrymynda bolǵan.
«Lada» markaly avtokólikti tizgindegen 31 jastaǵy júrgizýshi О́skemen qalasynan Jarma aýdany Kalbataý aýylyna qaraı baǵyt alǵan. Aldynda kele jatqan basqa «Lada» kóligin basyp ozbaq bolǵan ol abaısyzda soqtyǵysyp qaldy», dep habarlady vedomstvo ókilderi.
Jol apaty saldarynan ekinshi kólikti basqaryp kele jatqan 19 jastaǵy júrgizýshi men 4 jolaýshy dene jaraqatyn alǵan. Olarǵa О́skemendegi oblystyq mamandandyrylǵan medısınalyq ortalyq qyzmetkerleri kómek kórsetti. Al tártip saqshylary oqys oqıǵaǵa kináli er adamdy ákimshilik jaýapkershilikke tartty.