Qazaqstan Ulttyq Banki valıýta baǵamdary men bazalyq mólsherleme boıynsha elektrondyq anyqtamalar berý qyzmetin pılottyq rejımde iske qosty, dep jazady Egemen.kz.
Júıe memlekettik organdarǵa, jeke jáne zańdy tulǵalarǵa arnalǵan.
«Servıs statıstıkalyq derekterdi usyný prosesin jeńildetip, elektrondyq anyqtamalardy alý merzimin qysqartady. Eger osyǵan deıin qaǵaz júzindegi aqparatty alý úshin orta eseppen 2-den 5 jumys kúnine deıin ýaqyt ketse, jańa júıe qajetti anyqtamany sol mezette usyna alady», dep habarlady Ulttyq bank.
Jańa servıstiń kómegimen paıdalanýshylar:
- tańdalǵan kúnge nemese kezeńge ulttyq valıýtanyń shetel valıýtalaryna qatysty kúndelikti resmı baǵamy boıynsha anyqtama;
- ulttyq valıýtanyń shetel valıýtalaryna qatysty resmı baǵamy boıynsha bir aıdaǵy ortasha anyqtamasy;
- tańdalǵan kúnge nemese kezeńge Ulttyq bank bazalyq mólsherlemesiniń (qaıta qarjylandyrýdyń resmı mólsherlemesiniń) kólemi týraly anyqtama;
- belgili bir kúnge belgilengen shetel valıýtalarynyń ulttyq valıýtaǵa resmı baǵamdary týraly aqparattyq habarlama ala alady.
Elektrondyq anyqtamalardy alý úshin veb-portalda tirkelý mindetti emes, olardyń túpnusqaǵa sáıkestigi qujattaǵy QR-kod arqyly rastalady.
Servıs statıstıkalyq aqparatty alýdyń qosymsha ádisi ekenin eskergen jón. Jeke jáne zańdy tulǵalar burynǵydaı zańnamamen belgilengen merzimde qaǵaz júzinde anyqtama alý úshin Ulttyq bankke júginýge quqyly.